McGuffey Reader

(Updated 2026-10-29)

leson 1

 Kani.

Kani kuren pas.

leson 2

Kat. Tapes.

Es kat sur tapes?

Kat es sur tapes.

leson 3

Andro. Stofgraf.

Andro abe stofgraf.

Es stofgraf in mani?

Ili es in mani.

leson 4

Kok paki. Rat maga.

Kok paki es sur konten.

Rat kuren eks konten.

Inergo kok kuren?

leson 5

Optik kani! Optik infangine!

Optik! Kani abe bestisefal.

Inergo infangine pris kani?

leson 6

Infangine inergo pris kani.

Optik! Ili abe bestisefal.

Temdis infangine inergo taktifilo kani.

Let, na mi taktifilo kani!

leson 7

Infanandro alimen pas kok.

Ili es kok negro.

Ili paso pas eks domorni.

Optik obar multi in domorni!

Let kok, na infanandro pris futur obar?

leson 8

Let mi pris bestisefal negro! Temdis infanandro abe ili sur sefal, e ili es andro maga.

Aribe, optik andro maga dis kon bestisefal negro!

leson 9

Infanandro es sur konten. Ili abe stofgraf in mani. Uni rat magam es in konten. Inergo kani pris rat?

Aribe kon mi, e optik andro kon bestisefal!

Kok paki paso eks domorni. Kuren, e pris obar tuta!

Feli kuren pas. Infangine kuren pas. Andro abe bestisefal.

leson 10

Optik ni infangine?

Ia; ili abe organfrit kon obar multi in ili.

Let mi abe organfrit e obar tuta, let futur?

Paso pas kok negro eks domorni?

Mi distem kuren futur pro pris rab. Kuren futur ni je?

leson 11

O! Let mi pasoin, let?

Ia, si ni kursi pasi.

Stop, kaprin, e let infangine pasoin!

Temdis, don mastigo!

Komen, kaprin!

leson 12

Kiti abe orni ben. Ili inergo kantik dus.

Ili alimen pas ili temdis.

Ili plas futur ili temdis in kontendiktio, e pende kontendiktio. Poste dis, kat pris futur ne ili.

leson 13

Optik infanandro e kani ili. Kani abe plas negro sur noto. Ide ni, na ili es kani ben?

Infanandro abe stofrekrenesis maga je. Ili es sur konten kon stofrekregine.

leson 14

Sola leban pas. Uni andro alimen pas kok negro e ornikakak paki.

Temdis ornikakak nata futur in lak mikro. Kok kuren pas in domorni.

Let mis stop ne a lak temdis, akaus es kalor multitele.

Optik pasi kak! Mis paso futur pro optik infanandro e stofrekrenesis.

leson 15

O! Sola lebanne temdis. Es ne kalor temdis.

Let mis kuren e dansi. Mi ide, na kuren e dansi es rekre.

Optik ornikakak sur lak! Domorni es leban sur limitpotam, sub lito.

Mis obliga takti ne domorni, sed mis inergo optik ili.

leson 16

(esaminre)

Sola pasosub pas, e lak es sinene.

Infan multi surpod sur limit, e optik ornikakak.

Kani kon plas negro es telene ot infanandro. Optik! Ili abe bestisefal in mani. Ili let pas stofrekrenesis maga sur konten.

Infanginerekre ot infangine es sur rok.

Infangine omone plas pas jodom ot ili in kontendiktio. Ili kantik futur dus. Ornikakak abe domorni sub rok.

Temdis es kalor. Let mis kuren e dansi sur limit. Ide, na dis es rekre?

leson 17

Stofgraf e idrograf es sur stofabe. Es dis stofgraf ben? Stofberdi es sur rok. Ornikakak inergo nata. Infanandro turnisur pas basin.

leson 18

Diana futur kani fos? Infanandro perdi pas bestisefal. Klos futur mi konten? Mi fasper pas ili sur skala. Dansi ni in geojele? Mi abe uni frutrigid. Mi fasper pas andro multi.

leson 19

O! Bobigine paleo es in lak. Optik, na ili bibe! Pasoeks futur ili pro fag erbi?

Ne, ili desir es in lak. Optik, na ili surpod kak sinene!

Bobigine paleo filo don lakto dus, nis bibe.

       leson 20

Pater, let, na mi kursi sur ipo kon ni! Mi kursi futur abene sine in brak ni.

Optik, mater! Bi mis es sur ipo. Maga tak es ili!

Paso, ipo! Ni es ne oleo multitele pro kuren tele tak je domjo.

leson 21

O! Glob bel tak!

Ia; inergo ni pris ili?

Bali ili a mi, e optik futur! Mi let ne, na ili katarakta.

Na es pas fakto ben.

Temdis bali ili a leban ot mura, si ni inergo bali!

leson 22

Apela ni mis, mater?

Mi paso pas kon frater a lak. Mi abe pas ginerekre, e androfrater abe pas multiomo.

Ornikakak nata pas a limitlak, e mis alimen pas ili. Ide pas ni, na mis inergo katarakta in lak?

Mis paso ne pas telene multitele, paso ne mis, frater?

Inergo mis paso a rekreundula temdis, mater?

leson 23

Grupandromusik aribe! Apela mis mater e fratergine pro optik ili?

Let, na mis surpod abene sine, e oto grupandro fono musik, intem ilis pas.

Mi optima, na ilis stop dis, e fono futur pro mis.

Optik andro maga kon bestisefal maga ante grup? Ili abe kia in mani? Ili optikomo bel tak.

Optik je andro na sur ipo bel!

Si grupandro stop ne, let, na mis paso kon ili, e optik, na ilis paso futur a plaskia.

leson 24

Infanandro e infangine es beni tele; pater e mater kon ilis paso pas a silbi.

Infanandro abe dombeil maga e multiomo, e infangine abe stofdormi mikro pro rekreinfangine.

Kaprin es kon ilis. Infanandro fakto futur, na ili trakta infangine e rekreinfangine in bagon mikro.

leson 25

Infanandro logo: Rekre futur ko mi? Mis eskaba futur in samo per stofeskaba mikro. Dis es futur rekre ben.

Infangine logo: Temdis ne, akaus mi nesesa order stofdormi ot rekreinfangine. Let, na Mari rekre ko ni.

Infanandro paso pas pro na, Mari rekre kon ili. Temdis infangine order stofdormi ot rekreinfangine.

Ili kantik a rekreinfangine, e rekreinfangine kumbe sinene sur bi mero.

Oto rekreinfangine, na infangine kantik?

leson 26

Infangine let rekreinfangine in stofdormi mikro, e paso pas pro rekre kon infanandro e Mari. Temdis ilis es in skia telene ot potam mikro.

Infanandro eskaba in samo rigidne per stofeskaba, e Mari kolek lito mikro multi, e plas ilis sur bi mero.

Infanandro e Mari beni pro optik infangine. Infangine asista futur, na ilis kolek lito mikro, e eskaba telene ot potam mikro.

leson 27

(esaminre)

Fani logo pas a Jon: "Mis akto kia? Mi desir ne kursi abene sine. Optikpro mis obar multine in domsereal?"

Jon logo: "Ne. Mi desir rekre sur erbi. Let futur pater, na mis pris kani, e paso a silbi maga?

"Mis inergo plas domkotondur in stoftrakta, e paso futur a lokal ben, plaskia erbi es rigidne e dus."

Fani logo: "Na es futur ben. Mi pris ginerekre, e don turis kon mis a ili."

Jon logo: "Ia. E mis forseauto futur, na mater je paso kon mis. Ili pende futur anteposte pro mis in skia."

leson 28

Ni es pas plaskia, kokinfan? Es ni perdi? Inergo ni paso ne a kokgine?

O, ni es dis! Mi portare futur ni. Dis, kokgine, pris kokinfan mikro dis sub tero.

Temdis, kokinfan, plas pod mikro umid sub niauto, e dormi tem mikro.

Kokinfan sensi sekur temdis.

leson 29

Jur dis es jur ben. Sola foto forse. Es benti ben, e rekretero tero leban. Mi inergo optik ili.

Sola foto in bi optik mi; mi surpod in skia ot muraarbor e leban dis.

Surpris! Kani mi aribe! Ili es pas sub kartrakta. Optik ni ili na?

Mis abe pas tem ben tak! Es ni beni, na mis paso pas ne a silbi?

Lak mikro es trankuil. Ili reflek forse tak in fotosola! Let, na mis paso a silbi, plaskia mis inergo kursi in skia.

leson 30

"Mi desir, na mis abe sip mikro, e mis plas bi rekreinfangine in ili."

"Mi kones na, mis inergo akto. Mis inergo pris basin mikro, e fisa uni korda a ili, e trakta ili a lak mikro. Dis resta futur sur fas kon bi rekreinfangine in ili, e mis inergo pris baton, e sineante futur ili ot limitlak."

"Sip komonne tak! Basin mutakon sip, e baton mutakon stofsinesip. Katarakta futur ne ili?"

"Mis inergo forseauto, e kones futur."

"Ben, ni pris futur basin, e mi pris futur baton e korda. Mis plas bi rekreinfangine in basin, e don futur turis a ilis."

Bi rekreinfangine abe pas turis ben a lak. Benti belone forse pas, na basin nataeks. Uni infangine let pas, na baton katarakta a basin, e basin katarakta.

leson 31

Uni ot bi infangine apela pas kani. "Plasdis! plasdis! Aribe, e pris bi rekreinfangine eks lak!"

Uni rekreinfangine merge, sed morta pas ne. Rekreinfangine omone es pas sur idro.

Kani aribe belo, e dansi pas in idro. Ili nataperi, e pris rekreinfangine bi in buka, e porta pas ili a limitlak.

Poste kani eureka rekreinfangine uni, e portaeks ili je.

Uni infangine logo: "Filo ben, filo brabo!"

Ni ide kia peri kani?

leson 32

Jur foto tak ot Lunases! Aer es pur. Selo es ajur tak, je ili inergo es je. 

Infangine e mater es in silbi. Ilis eureka pas lokal dus, plaskia es erbi.

Ilis kursi in skia ot arbormulti, e infangine kantik.

Arbormulti es ne maga, sed ilis fakto skia ben.

Mater ot infangine logo, na ilis abe futur temfag in silbi, temkia pater inergo abe domkotondur.

leson 33

(esaminre)

Bi infanandro paso pas in skia ot mura leban pro rekre per glob.

Bi infangine aribe pas ot lak mikro a telene kon kani brabo e ben ot ilis pro optik, na bi infanandro rekre.

Temkia ilis bali glob a leban in aer, e forseauto pris ili, kani kuren pro pris ili in buka.

Temdis glob es perdi. Ilis tuta optikpro ili sub arbormulti e in erbi; promulti ilis inergo ne optik ili. Ili inergo es plaskia?

Optik! Kani eureka ili. Ili aribe kon glob a dis. Ili plas futur glob a pod ot uni ot bi infangine, o plas ili in mani ot ilis.

leson 34

Infanandro logo: "Pater, let nis, na mis abe multiomo maga?"

"Infanandro mikro ot mi inergo futur akto kia per multiomo maga?"

"Plas ili sur domkotondur, pater. Mis rekre jur ot independen."

"Es na, peri na fonobabel dis es? Fakto multiomo ot nis akaus kia?"

"O! ili es mikro multitele."

"Nis inergo futur purne multiomo mi."

"Temna mis tuta uni futur pro pai pro ili. Promulti mis purne futur ne ili, pater."

"Pris ili tak, e pris rotat ot korda kon ili."

"O! gras! Onor a multiomo, infanandro tuta!"

leson 35

Kat Leuko

O! kat, pro kia ni kuren?
Leson mi temdis es komple;
O! kat leuko, O! kat mi,
Mi es prepara pro rekre.

O! kat, aribe, kat mikro!
Mi abe lakto dus pro ni;
Bibe dis, kat, e pasoin
Orti dis, rekre tak kon mi!

leson 36

Andro dis abe sip mikro bel. Sip es leuko kon line negro telene a idro.

Andro gardi ili a lak mikro telene a domi ili. Ili atentif jurtuta ili.

Andro ergo pas in orti, e sine futur sip per organsinesip intem tem mikro.

leson 37

Temkia ili aribe sur skala, infangine logo: "Na es kia? O! ili es sip mikro! Ili es bel tak!"

Infanandro logo ben: "Mi don futur ili a ni, temkia ili es komple. Desir abe ni ili?"

"Ia, tele, gras. Optik pas matermaga ili?"

"Sura temdis ne; mis porta futur ili a matermaga poste temdis. Ni abe kia in pot?"

"Mais pro kokginemulti. Ilis inergo es nesesafag tele temdis."

leson 38

Infanandro paso pas a marke kon mater.

Mater akiri pas pani, karni e te, ili abe in pitaka a brak.

Infanandro forseauto logo a mater na, ili optik pas a marke.

leson 39

Optik matermaga filo e paleo ot mi in kursibrak! Kapila ili es gris tak! Ili porta protekoptik, intem ili lektur.

Ili es jurtuta ben, e atentif ben tak a mi, na mi filo fakto na, ili logo a mi. Temkia ili logo: "Infanandromikro, porta ni kup kon idro a mi?", mi kuren omo belo inergo, pro obten ili pro ili. Temna ili logo: "Gras, infanandromikro mi!"

Filo probable ne ni matermaga filo e ben, na es ben tak? E fakto probable ne ni stoftuta, ni inergo fakto, pro beni ili?

leson 40

"Aribe a dis, e oto! In flor dis es kia?"

"O! mater, ili es api. Mi deman, ili es pas klos in flor kak?"

"Ili tero pas a flor pro sukarapi, e es pas inergo, na ili komen dormi. Poste na, flor klos pas ili.

"Api filo sukarapi je omo mis, sed ili filo ne es klos in flor.

"Let futur mis ili eks flor?"

"Ia; poste na, ili inergo futur tero a flormulti omone, e kolek sukarapi."

leson 41

Bi infanandro Frank e Jems aribe. Kones ni, ilis dom plaskia?

Frank paso sur ipo, e Jems sineante ipo omone, na es sigo a kartrakta. Ilis es eksdormi intem jur antetem. Ilis es beni tak!

Optik, na Frank paso per ipo ben tak, e na Jems abe forse bi linedirek!

Bi infanandro obliga es ben a bi ipo. Mastigo ne ilis es ben.

Poste ilis fini kon ilis, ilis don fenu o mais a bi ipo.

Ipo multine inergo kuren belo tele. Paso sur ipo ni desir? Uni jur bel, mi optik pas kani mikro, na es sigo a kartrakta. Kartrakta na konten mais multine.

leson 42

Infangine jube optikpro pas flormulti pro mater. Es pas antemedijur antetem, e erbi es pas umid. Ornimulti mikro dus kantik pas peri ili.

Ni ide, na ili eureka pas kia otplus flor? Uni domorni, in na es orni multine jube.

Intem ili optik ilis, ili oto pas, na orni mater fono, omo je logo: "Takti ne infan mi, infangine jube, akaus mi filo tele ilis."

Temna infangine jube ide pas, na mater ili filo tak ili.

Prona ili let orni dis tuta. Poste na, ili kolek pas flormulti, e logo a mater na, ili optik e oto pas.

leson 43

"Mater, paso ni a urban?"

"Uni bilet pro tren tarif kia?"

"O! mis don bilet a ni, mater."

"Nis aribere peri temkia?"

"Okta ora e unisurbi."

"A! na es futur poste temdormi. Es dis tren belo?"

"Ia, dis es "Tren Fotofulgur"."

"O! dis es belo multitele pro mi."

"Mis pris futur kia pro ni a urban, mater?"

"Uni pitaka kon bi infan ben in ili."

"Tak! Tem es komple! "Din, din"!"

leson 44

Es medijur, e skola es ne okupa. Optik ni, na infanmulti rekre? Un parti kuren e dansi, parti rekre per glob, e tri infangine mikro rekre skola sub arbor.

Samber maga tak pro skola mikro tak!

Gineinstruk es Mari. Ilis tuta abe biblomulti in mani, e uni infangine lektur.

Ilis tuta es infanginemulti ben, e es ne benne intem rekre skola.

Ket e Mari oto uni infangine, intem ili lektur eks biblo.

Ni ide, ili lektur peri kia? Mi logo na a ni. Es peri infanandro benne, na es pasoeror in silbi.

Poste infangine lektur tuta, tri infangine paso futur a dom.

Poste tem longane, infanandromulti stop futur rekre.

leson 45

Infangine abe jodom neo. Kones ni, ili es orni kia? Infangine apela ili Sitak.

Sitak inergo logo: "Sitak benine! Sitak benine! Sitak desir kulinabitem!" E ili inergo fono omo kat.

Sed Sitak e kat es ne bi filo ben. Uni jur bel, Sitak tero pas lebanne, e sur pas sur noto ot kat, temkia kat dormi.

Mi ide, na ili kones pas, na kat filo ne na, e ili akto pas na pro mok kat.

Temkia infangine taktifilo kat, Sitak tero leban in arborpom paleo, e aribe ne, temkia infangine apela ili. Temkia infangine logo: "Orni sofine tak!"

leson 46

(esaminre)

"Suje, nis infanmulti, abe nis tem beni in silbi?"

"O! ia, mater, tem ben tak! Optik! mis eureka pas flormulti dus tak, e plantageoumid rigidne tak! Flormulti plasuni es pro matermaga. Beni futur ne ilis ili?"

"Ia; e beni matermaga, na nis ide peri ili."

"Kani es pas ben tak, mater! Mis let pas ili latera arbor maga telene a potam mikro pro gardi bi antroprekre e pitaka.

"Temkia mis aribere, ilis tuta es pas sekur. Antropnul inergo pas pris ilis, intem kani es la. Mis don pas kulinabitem multine eks pitaka a ili.

"O! mater, ornimulti kantik pas tak in silbi!

"Fani logo pas, na ili es orni, e abe probable domorni in silbi. Promulti mi ide, na ili filo probable pro aribe a dom pro dormi."

"Si ili es probable orni, domorni es dom ot ili. Promulti mater fakto kia - mi deman - abene Fani mikro?"

leson 47

Infanandro e infangine multi dis dom telene a mari. Ilis es pas a limitmari. Abe temdis telenetuta noktu, e ilis paso a dom.

Infanandro, na kursi sur kursi ante, eureka pas konkomulti bel. Ilis es in pitaka a latera ili.

Un andro direk bi ipo. Ili abe kordadirek in uni mani e mastigo in omone.

Infanandro abe bestisefal in mani, e optik bi ipo. Ili ide, na ilis es fobergo tele; ilis paso ne belo.

Infanmulti dis es ne tele ot dom. Poste tem longane, sola komen dormi, e es futur temdormi.

Es ni a limitmari sura temdis? Es ne sporti ben, na optik undula maga, e rekre in samo umid?

leson 48

Uni postemedijur bel, pater ot infanandro logo pas: "Desir paso ni kon mi pro pris pisi multine?"

"Ia; inergo mi paso? kon ni, pater?"

"Ia, infanandro, kon mi."

"O! mi beni tak!"

Ilis es dis a limitpotam. Infanandro trakta uni pisi ben eks idro temdis. Ili senti lebanauto tak!

Optik! Ilis eureka pas plas ben e fonone tak! Infanandro abe basi ot arbor paleo pro kursi, e pater kursi sur arbor, na es katarakta. Ilis filo sporti dis.

leson 49

Mi desira, mater, na ni logo a mi, plubi es ot plaskia. Es ili ot sel? E temkia gutamulti mikro fono "pita-pata" anti portiklatera, ide ni, na ilis rekre kon mi? Mi inergo ne ergo o lektur, akaus mi filo oto ilis. Mi ide temmulti, na fono ot ilis es musik bel. Prona plubi stop infanmulti in dom, e mi filo rare na.

Gutamulti ot plubi logo simple: "pit-pita, pata-pat", intem mis rekre eks dom.

Ni inergo ne rekre per ili pro kia?

leson 50

Mi filo sesonkuadri, intem idrojele kober geo. Bali glob ot idrojele e tero sur idrojele es beni tak!

Optik infanandro e infangine multi! Ilis es beni tak! Uni infanandro abe karidrojele mikro, e trakta fratergine. Ilis paso temdis!

Mi ide, na ili es kardiben, akaus fratergine es jube multitele pro paso sur idrojele.

Optik! Optik ni, na infanandro na katarakta pas? Sed mi optik, na ili abe nul vulne, akaus ili risi.

Infanandro multine omone aribe pro uni intem sporti. Optik, na ilis fisa protekpodidrojele tuta!

Infanandro uni logo, na ili optima, na pater akiri futur bi protekpodidrojele pro fratergine intem sesonkuadri sekuen.

leson 51

Optik kani! Ili kursi kon bestisefal mi. Ili optikomo infanandro mikro; sed ili es kani simple.

Temdis optik, na ili pres mani! Don mani ni a mi! Es kak kon ni? Abe futur ni temfagnoktu kon mis? Logo! Kani logo: "Bo, wo!", na signifi: "Gras, mi abe futur."

Es ne ili kani ben? Ili logo faktobel jurtuta.

Intem skola es futur klos, mi forseauto pro instruk akto omone a ili.