Biblia (parti)

 (Last update 2022-03-12)

EKS BIBLIA

Verses marked PXT were translated by Pham Xuan Thai himself.

Lebi 19

18 Ni benjanse ne, sentianti ne infanmulti ot demo ni, sed ni obliga filo androbisini ni omo ni: Mi es Dio. PXT

Legatembi 6

5 E ni obliga filo Dio ni kon kardi tuta ot ni, e kon sike tuta ot ni, e kon forse tuta ot ni. PXT

Legatembi 10

17 Akaus Sefal Dio ot ni es Dio ot diomulti, e Sefal ot sefalmulti, e Dio maga, forse, e fob, na ideparti ne antropnul, aksep ne kompense. PXT

18 Ili defen infanpaterne e androgamone, e filo androeksnasion, per don ili alimen e besti. PXT

19 Filo prona androeksnasion: akaus nis es pas andro eksnasion in geo Egipto. PXT

Legatembi 11

1 Ni obliga filo prona Sefal Dio ot ni, e gardi jurtuta lega, e judi ot ili. PXT

Legatembi 30

6 E Sefal Dio ot ni pur futur kardi ot ni, e kardi oto geneposte ni, pro filo Sefal Dio ot ni kon kardi tuta ot ni, kon siko tuta ot ni, e ni inergo bio. PXT

20 Pro ni inergo filo Sefal Dio ot ni, e ni inergo sekuen fono ili, e ni inergo fisa a ili: akaus ili es bio ot ni, e longa ot jurmulti ni: e ni inergo dom in geo, Sefal logosanta a fater ni, a Abram, a Isak, e a Jakob, pro don ilis. PXT

Sam 18

1 Mi filo futur ni, O Sefal, forse ot mi. PXT

2 Sefal es rok mi, e domforse mi, e androlibere mi, Dio mi, forse mi, mi fide futur in ili; aspi ot mi e kera ot libere mi, e ture leban ot mi. PXT

Sam 25

6 Memor akto ben ni, O Sefal, e filo stopne ni. Akaus ilis es ot tem paleo. 

7 Memor ne eror ot jube mi o legane mi. Sekuen Filo stopne ni, memor mi, respek ot ben ni, O Sefal.

Sam 31

23 O filo Sefal, nis tuta androsanta ot ili: akaus Sefal sekur androfidel, e puni serius androfakto lebanauto. PXT

Sam 66

20 Let Dio es beni, ili aksepne pas ne deman ot mi, ne beninekon ot ili pro mi. PXT

Sam 138

1 Mi aplaud Ni per kardi tuta. Ante dio multi, mi kantik aplaud a Ni.

2 Mi ador a domador Ni, e aplaud nam Ni.

8 Sefal akto komple na, na es peri mi. Aktoben Ni, o Sefal, es temtuta. Abandon ne ergo ot mani Ni.

Sam 145

20 Sefal sekur ilis tuta, na filo ili: sed ili destuk futur androbenne tuta. PXT

Sam 146

8 Sefal ober optik ot androdefekoptik: Sefal leban ilis, na lebanneauto: Sefal filo androdestra. PXT

Logosofi 17

19 Ili filo eror, na filo disput: e ili, na fakto portik leban ot ni, optikpro destruk. PXT

Isai 46

4 Benkia a tembio paleo, Mi es Ili. A kapila gris, Mi porta futur. Mi fakto pas, e Mi porta futur, Benkia Mi porta futur, e libere.

5 Nis fakto Mi omo antropkia? E fakto omo e kompara Mi, na mis es omo?

6 Ilis respek metalau eks sako, e gram metalag sur organgram. Ilis usapai antropmetal, e ili fakto dio. Ilis arka auto. ia, ilis ador.

7 Ilis porta ili sur epaul. Ilis porta ili a plas ili, e ili surpod. Ot plas, ili inergo ne paso. Benkia antrop logo leban a ili, ili inergo ne respon o libere ili ot pasine.

8 memor dis, e esibit auto omo antrop. memor dis a ide, o nis, antroperor.

9 memor stof temante ot tem paleo. Akaus Mi es Dio, e es antropnul plus. Mi es Dio, e es antropnul omo Mi.

10 Mi deklara fini temkia komen, e temkia tem paleo na, na es ne komple. Mi logo: donide Mi dura, e Mi akto futur alegro Mi.

Isai 52

4 Sefal Dio logo tak: Demo Mi paso pas temuni a nasio Egipto na pro fakto dom. Poste demo Asur akto opres anti ilis abene kaus.

5 Prona Mi abe kia a dis plas - Sefal logo - na demo Mi es priseks pro nul? Ilis, na akto roi sur ilis fakto, na ilis logopato - Sefal logo - plus, nam Mi es mok jurtuta.

6 Prona demo Mi kones futur nam Mi. Prona [ilis kones futur] intem jur na, na Mi es Ili, na logo: Optik! Es Mi.

7 Kak bel sur monta es pod ot ili, an porta informa ben, e logo a monta Sion: Dio nis akto roi!

13 Optik! Androserbis Mi akto futur per reson. Ili abe futur leban e ador e leban tele.

14 Omo antrop multi abe pas surpris peri nis, tak fas Ili es defek plus maga je antroptuta, e forma plus maga je infan ot antrop.

15 Tak Ili fakto laba nasio multi. Roi multi klos futur buka ante Ili. Akaus na, logo ne pas a ilis, ili optik futur; e na, ilis oto ne pas, peri na ili ide futur.

Matiu 6

Pater mis in sel,

nam ni es santa,

nasionroi ni aribe,

desir ni es fakto,

sur geo omo in sel.

Don mis jurdis pani jur dis.

Perdon erormulti mis,

omo mis perdon filone mis.

Ne direk mis a proba,

e libere mis ot benne.

Amen.

Matiu 19

19 Onor fater e mater ni: e, ni obliga filo androbisini ni omo ni. PXT

Matiu 22

37 Jesu logo pas ili, ni obliga filo Dio ni kon kardi tuta ot ni, e kon siko tuta ot ni, e kon ide tuta ot ni. PXT

38 Dis es laga uni e maga. PXT

39 E lega bi es ono na, ni obliga filo androbisini ni omo ni. PXT

40 Lega e andrologofutur tuta pende sur bi lega dis. PXT

Mak 12

30 E ni obliga filo Dio ni kon kardi tuta ot ni, e kon sike tuta ot ni, e kon ide tuta ot ni, e kon forse tuta ot ni: dis es lega uni. PXT

31 E lega bi es omo, pro kones, ni obliga filo androbisini, ni omo ni. Abe ne lega omone maga plus dismulti. PXT

Lukas 19

1 Jesu paso pas in e dia urban Jeriko.

2 Optik! Es pas andro, nam Sakeus, na es sefal inter androtasa. Ili abe pas pluto.

3 Ili optikpro pas Jesu - ili es antropkia. Ili inergo pas ne. Akaus ili es pas ne leban.

4 Ili kuren pa ante, e paso pas sur arbor, pro optik ili, akaus ili paso futur tak.

5 Temkia Jesu paso pas a plas na, ili optik pas sur, e optik pas ili. Ili logo pas ili: Sakeus, paso belo e surne! Jurdis Mi nesesa resta a dom ot ni.

6 Ili paso pas belo, e paso pas surne. Ili asep pas ili kon beni.

7 Temkia ilis optik pas, ilis tuta logo kritik, na Ili paso pas, pro es androdom kon andro, na es antroperor.

8 Sakeus surpod pas, e logo pas Sefal: Optik, Sefal! Mi don unisurbi stofabe ot mi a antrop plutone. Si mi pris pas stofkia ot antrop per akusa beritane, mi donre temkuadri.

9 Jesu logo pas ili: Jurdis aktolibere paso a dom dis, akaus ili es infanandro je ot Abram.

10 Infanandro ot antrop aribe, pro optik e fakto libere ilis, na es perdi.

Juan 3

16 Dio filo pas Geo tak, na ili don pas uni Infanandro ot Auto, pro antrop tuta, na abe fide peri ili, morta ne, sed abe bio temtuta.

Fakto 10

34 Berita, mi ide, na Dio esibit nul ideparti.

Roma 8

28 E mis kones, na stof tuta ergo omoin pro ben ot ilis filo Dio, ot ilis es apela konser kon estrem ili. PXT

38 Akaus mi es sekur, ne morta, ne bio, ne angel, ne nasion, ne autorite, ne stof temdis, ne stof futur, PXT

39 ne leban, ne profun ne stofbio omone tuta, inergo futur unine mis ot aktofilo Dio, na es in Kristo Sefal mis. PXT

Roma 12

9 Let aktofilo es abene sekret. Filone na es benne; gardi na es ben. PXT

Roma 13

7 Donre prona a tuta destra ot ilis: tasa a ili tasa es obliga; respek a ili respek es obliga; onor a ili onor es obliga. PXT

8 Det nul ot antropnul, sed filo uni omone: akaus ili, na filo omone, komple pas lega. PXT

9 Pro dis, adulter ne, eksbio ne, klepto ne, atesta ne seudo; desirmulti ne; e si abe lega omone tuta, ili es abrebi kones in lega dis, pro kones, ni obliga filo androbisini ni omo ni. PXT

1 Korinto 8

1 Temdis respek stof ofer a ido, mis kones, mis tuta abe sofi. Sofi fakto lebanauto, sed aktofilo benplus. PXT

1 Korinto 13

1 Ben kia mi logo lingua tuta ot antrop e oe abe ne aktofilo, mi es omo metalku fono, o simbal fono. PXT

2 E benkia mi abe stof don ot logofutur, e kones sekret tuta, e sofi tuta; e benkia mi abe fide tuta, tak na mi inergo sine monta, e mi abe ne aktofilo, mi es nul. PXT

3 E benkia mi don abe tuta ot mi pro alimen androplutone e benkia mi don korpo mi pro es igni, e abe ne aktofilo, ili interes nul a mi. PXT

4 Aktofilo patolonga e es ben; akto filo benikon; aktofilo aplaudauto ne, es ne lebanauto, PXT

5 es faktobel, optikpro ne auto ot ili, es ne fasil nerfo, ide ne benne; PXT

6 alegro ne in eror, sed alegro in berita; PXT

7 suporta stof tuta, fide stof tuta, optima stof tuta. PXT

8 Aktofilo fini temnul: sed si abe logofutur, ilis fini futur; si abe lingua, ilis stop futur; si abe sofi, ili ekspresen futur. PXT

9 Akaus mis kones parti, e mis logofutur parti. PXT

10 Sed temkia ili, na es komple, es aribe, je ili, na es komplene, ekspresen futur. PXT

11 Temkia mi es pas infan, mi logo pas omo infan, mi kones pas omo infan, mi ide pas omo infan: sed temkia mi esaribe pas antrop, mi leteks pas stof infan ot mi. PXT

12 Akaus mis optik temdis dia kristal, fotone; sed je fas a fas: mi kones temdis parti; sed je mi kones futur omo mi es kones je. PXT

13 E fide, optima, aktofilo, tri dis, resta temdis; sed maga plasuni ot dismulti es aktofilo. PXT

Galati 5

14 Akaus lega tuta es komple in uni logo: ni obliga filo androbisini ni omo ni. PXT

Filipi 2

2 Komple alegro mi, pro mis abe ide omo, abe aktofilo omo, es ot uni konser, ot uni ide. PXT

Kolose 3

12 Besti prona, omo selek ot Dio, santa e filo, bennekon, ben lebanne ot ide patolonga; PXT

13 suporta uni omone, e perdon uni omone; si uni antrop abe disput anti omone: omo Kristo perdon pas nis, je nis fakto omo PXT

14 E bisto akto filo, na es korda ot komple, su stof dis tuta. PXT

1 Tesaloni 4

9 Sed respek aktofilo frater, nis nesesa ne, na mi graf a nis: akaus nis auto es instruk per Dio pro filo uni omone. PXT

10 E berita nis fakto na a frater tuta, na es in Masedoni tuta: sed mis deman nis, frater, na nis fakto plus e plus. PXT

2 Tesaloni 3

5 E Dio sefal kardi nis in aktofilo ot Dio, e in espek patolonga Kristo. PXT

1 Timote 1

14 E gras ot Sefal mis es pas estrem multi kon fide e aktofilo, na es in Kristo Jesu. PXT

15 Dis es logo fidel, e balor ot aksep tuta, na Kristo Jesu aribe pas in geo pro libere androeror, mi es sefal ot ilis. PXT

Titus 2

11 Aktoben ot Dio espresen auto a antrop tuta.

12 Dis instruk mis, na eksep ne desir dione e geo, e na mis fakto bio konser nasin modera  destra e Dio intem tem dis,

13 Intem mis espek optima beni, e espresen ot Dio maga e Antroplibere, Jesu Kristo.

14 Ili don pas Auto pro mis. Prona Ili akiri mis eks akto tuta anti lega, e ekto pur a auto uni demo komonne Auto, na senti auto ardor a fakto ben.

Jak 2

1 Frater ot mi, abe ne fide ot Sefal ot mis, Jesua Kristo, Sefal ot glori, per ideparti.

2 Antrop kon peridaktil metalau e in besti ben aribe a mitin nis. Andro je plutone in besti purne aribe.

3 Nis fakto atentif a andro, na porta besti ben. Nis logo ili: Ni kursi a plas dis. Nis logo andro plutone: Ni surpod a plas na, o, Ni kursi a repospod dis ot mi.

4 Nis fakto esibit ot ideparti inter auto, ne? Nis esaribe antropjudi kon ide santane, ne?

8 Si ni komple lega roi konser kon graf santa, ni obliga filo androbisini ni omo ni, ni fakto ben. PXT

Jak 3

2 Mis paso per maner multi eror. Si antrop akto ne eror per na, ili logo, ili es antrop komple, e ili inergo sek korpo tuta ili.

1 Lito 1

22 Optik nis pur pas sike ot nis per sekuen berita, dia Sike Santa, in aktofilo berita at fratermulti, filo uni omone kon kardi pur ardor. PXT

1 Lito 2

17 Onor antrop tuta. Filo sistemfrater. Respek Dio. Onor roi. PXT

1 Lito 3

8 Fini, nis tuta es to uni ide, bennekon uni omone, filo omo frater, es bennekon, es faktobel. PXT

1 Juan 2

5 Sed antroptuta gardi logo ili, aktofilo Dio es berita komple in ili; mis kones perdis, na mis es in ili. PXT

1 Juan 3

11 Akaus dis es informa, nis oto pas ot komen, mis obliga filo uni omone. PXT

12 Ne omo Kain, na es pas antropbenne, e eksbio pas frater ili. E prokia ili eksbio pas ili? Akaus ergo auto ot ili es pa benne, e ergo ot frater ili es pas destra. PXT

13 Surpris ne, fratermulti mi, si geo filone nis. PXT

14 Mis kones, mis pas pas ot morta a bio, akaus mis filo frater. Ili, na filone frater ili, dom in morta. PXT

15 Antroptuta filone frater ili, es androeksbio: e nis kones na, androeksbio tuta abe ne bio finine dom in ili. PXT

16 Mis kones perdis aktofilo Dio, akaus ili don pas bio ili pro mis: e mis obliga don bio mis pro frater. PXT

17 Sed antroptuta abe pluto ot geo dis, e optik frater ili abe nesesa, e beninekon ne ili, filo ot Dio dom kak in ili? PXT

18 Infanmulti mikro mi, let mis filo ne in logo, ne in lingua; sed in fakto e in berita. PXT

1 Juan 4

17 Aktofilo mis es fakto in dis komple, pro mis inergo abe brabo in jur ot judi: akaus omo ili es, mis es je in geo dis. PXT

18 Abe fob in akto filo, sed akto filo komple espul fob: akaus fob abe pasine. Ili, na fot, es ne komple in akto filo. PXT

19 Mis filo ili, akaus ili filo pas ante mis. PXT

20 Si antrop logo, mi filo Dio, e filone frater ili, ili es andrologoseudo: akaus ili, na filone frater, ili optik pas, ili inergo kak filo Dio, ili optik pas ne? PXT

21 E mis abe lega dis ot ili, ili, na filo Dio, filo je frater ili. PXT